✕

તમારું ફાઈનલ TET મેરીટ કેટલું થાય છે? 1 મિનિટમાં જાણો મેરીટ ગણતરીની સૌથી સરળ અને ઓફિશિયલ રીત!

 


નમસ્કાર ભાવી શિક્ષક મિત્રો! 

ગુજરાત સરકાર દ્વારા વર્તમાન સમયમાં ૧૧,૦૦૦ જેટલા વિદ્યાસહાયકોની બમ્પર ભરતી જાહેર કરવામાં આવી છે. શું તમે આ ઐતિહાસિક ભરતી માટે ફોર્મ ભરવાની તૈયારી કરી લીધી અથવા ફોર્મ ભરી દીધું છે?


જાહેરાત આવ્યા પછી ઘણા ઉમેદવારોના મનમાં એક જ પ્રશ્ન છે કે, "મારું ફાઈનલ મેરીટ કેટલું થાય છે?" જો તમને પણ આ મેરીટની ચિંતા સતાવી રહી હોય, તો બિલકુલ મૂંઝાશો નહીં. તમારો 'અધ્યાપક સાથી' આજે તમને એકદમ સરળ ભાષામાં, સરકારના સત્તાવાર નિયમો મુજબ તમારું મેરીટ જાતે જ ગણતા શીખવાડશે. બસ આ લેખને અંત સુધી ધ્યાનથી વાંચો.


👉TET  1 મેરીટ ગણતરીનું સત્તાવાર સૂત્ર - 

  • TET-1 પરીક્ષાના માર્ક્સ: ૫૦% વેઇટેજ

  • H.S.C. (ધોરણ ૧૨) ના ટકા: ૨૦% વેઇટેજ

  • PTC / D.El.Ed. ના ટકા: ૨૫% વેઇટેજ

  • સ્નાતક (Graduation - BA/BCom/BSc) ના ટકા: ૫% વેઇટેજ


😎એક લાઈવ ઉદાહરણ દ્વારા સમજીએ કે આ સૂત્રનો ઉપયોગ કેવી રીતે કરવો. 

ધારો કે આપણી સાથે જોડાયેલ એક ઉમેદવાર છે "નેહા". આપણે નેહાના માર્ક્સ પરથી તેનું ફાઈનલ મેરીટ કાઢતા શીખીએ:

  • નેહાને TET-1 માં ૧૫૦ માંથી ૧૦૫ માર્ક્સ આવ્યા છે.

  • તેને ધોરણ ૧૨ માં ૭૦% છે.

  • તેને PTC માં ૮૦% છે.

  • અને તેને સ્નાતકમાં (કોલેજમાં) ૬૦% છે.


 💫હવે નેહાનું મેરીટ આ રીતે ગણાશે: 

૧. TET-1 (50% વેઇટેજ): (105 / 150) × 50 = ૩૫.૦૦% 

૨. ધોરણ 12 (20% વેઇટેજ): (70 × 20) / 100 = ૧૪.૦૦% 

૩. PTC (25% વેઇટેજ): (80 × 25) / 100 = ૨૦.૦૦% 

૪. સ્નાતક (5% વેઇટેજ): (60 × 5) / 100 = ૩.૦૦%

નેહાનું ફાઈનલ મેરીટ: 35 + 14 + 20 + 3 = ૭૨.૦૦% > 

(છે ને એકદમ સરળ? બસ તમારે નેહાના માર્ક્સની જગ્યાએ તમારા માર્ક્સ મૂકીને કેલ્ક્યુલેટરમાં ગણતરી કરવાની છે.)

_________________________________________________________________________________

👉 TET  2  મેરીટ ગણતરીનું સત્તાવાર સૂત્ર - 

  • TET-2 પરીક્ષાના માર્ક્સ: ૫૦% વેઇટેજ

  • સ્નાતક (Graduation - B.A / B.Com / B.Sc) ના ટકા: ૨૦% વેઇટેજ

  • B.Ed. અથવા PTC ના ટકા: ૨૫% વેઇટેજ

  • અનુસ્નાતક (Post Graduation - M.A / M.Com / M.Sc) ના ટકા: ૫% વેઇટેજ

    • (ખાસ નોંધ: જો તમે અનુસ્નાતક એટલે કે માસ્ટર ડિગ્રી નથી કરી, તો તમારા મેરીટમાં આ 5% ઉમેરવામાં આવશે નહિ. બાકીના 95% માંથી તમારું મેરીટ બનશે).


😎એક લાઈવ ઉદાહરણ દ્વારા સમજીએ કે આ સૂત્રનો ઉપયોગ કેવી રીતે કરવો. 

ધારો કે આપણી સાથે જોડાયેલ એક ઉમેદવાર છે "સમીર", જેણે ગણિત-વિજ્ઞાન વિષય સાથે પરીક્ષા આપી છે. આપણે સમીરના માર્ક્સ પરથી તેનું ફાઈનલ મેરીટ કાઢતા શીખીએ:

  • TET-2 માં ૧૫૦ માંથી ૧૧૦ માર્ક્સ આવ્યા છે.

  • તેને સ્નાતકમાં (B.Sc માં) ૬૫% છે.

  • તેને B.Ed. માં ૮૦% છે.

  • અને તેને અનુસ્નાતકમાં (M.Sc માં) ૬૦% છે.


💫 હવે સમીરનું ફાઈનલ મેરીટ આ રીતે ગણાશે: 

૧. TET-2 (50% વેઇટેજ): (110 / 150) × 50 = ૩૬.૬૬% 

૨. સ્નાતક (20% વેઇટેજ): (65 × 20) / 100 = ૧૩.૦૦% 

૩. B.Ed. (25% વેઇટેજ): (80 × 25) / 100 = ૨૦.૦૦% 

૪. અનુસ્નાતક (5% વેઇટેજ): (60 × 5) / 100 = ૩.૦૦%

સમીરનું ફાઈનલ મેરીટ: 36.66 + 13 + 20 + 3 = ૭૨.૬૬% (બસ, તમારે સમીરના માર્ક્સ કાઢીને ત્યાં તમારા માર્ક્સ મૂકી દેવાના છે!)


તમારું મેરીટ કેટલું થાય છે? (હવે તમારો વારો!)

મિત્રો, ઉચ્ચ પ્રાથમિક વિભાગમાં વિષયવાર મેરીટ અટકતું હોય છે. ગણિત-વિજ્ઞાન, ભાષાઓ અને સામાજિક વિજ્ઞાન - આ ત્રણેયની સ્પર્ધા અલગ-અલગ હોય છે.


હવે ફટાફટ તમારું મેરીટ ગણો! ઉપર આપેલી રીત મુજબ ગણતરી કરીને નીચે કમેન્ટ બોક્સમાં લખો કે તમારો વિષય કયો છે અને તમારું ફાઈનલ મેરીટ કેટલું થાય છે? હું પોતે તમારો વિષય જોઈને જણાવીશ કે તમારા સિલેક્શનના કેટલા ચાન્સ છે.

આગામી ભરતીની તમામ સાચી અને સચોટ માહિતી માટે તમારા 'અધ્યાપક સાથી' ની મુલાકાત લેતા રહેજો. ઓલ ધ બેસ્ટ!

 

Disclaimer (ખાસ નોંધ): આ લેખમાં આપેલી મેરીટ ગણતરીની પદ્ધતિ અગાઉના સત્તાવાર ભરતી નિયમો પર આધારિત છે. ફાઈનલ ગણતરી માટે સરકારની સત્તાવાર વેબસાઈટ (vsb.dpegujarat.in) ના પરિપત્રો ધ્યાનમાં લેવા.